“İran terror aktlarına görə üzr istəməlidir” – Razi Nurullayev
"İran Tehranda olan səfirliyimizə və Fazil Mustafaya edilən terror aktına görə üzr istəməlidir. Əks halda, bu vəziyyət heç kimə xeyir gətirməyəcək".
Sfera.az xəbər verir ki, bunu deputat Razi Nurullayev deyib. Millət vəkili İranın Azərbaycanı qısqandığını vurğulayıb:
"Təəssüflə deməliyik ki, İran aramızda olan körpüləri səfirliyimizə, Fazil Mustafaya edilən terror aktı ilə yandırıb. Biz region ölkələrin maraqlarını nəzərə alaraq, hələ də əlaqələri qoruyub saxlamağa çalışırıq. İran bizə gözdağı olaraq Ermənistanla tərəfdaşlıq edir, İsraildə səfirlik açmağımızı qısqanır. İrana olar, bizə yox? İranda özünü "böyük qardaş" kimi aparmaq hissi güclənir. Azərbaycan üçün böyük, ya kiçik qardaş anlayışı yoxdur. Bizim üçün qardaş, dost ölkə anlayışı var".
Əzizə Zeynal