ABŞ-nin keçmiş prezidenti Donald Tramp 33 maddə üzrə ittiham ediləcək.

Sfera.az bildirir ki, bu barədə Tramp “Truth Social” sosial şəbəkəsində məlumat verib.

O, işə rəhbərlik edən prokuror Alvin Braqqın məsələni ictimailəşdirdiyini qeyd edib:

"Bölgə prokuroru Alvin Braqq 33 faktı sızdırıb. Lakin onun açıqladığı məlumatlarda heç bir sürpriz və ya dəyişiklik yoxdur”. 

Tramp günahsız olduğunu deyib və prokurorun dərhal istefa verməsini təklif edib. Məlumata görə, ittihamların təfərrüatlarını əks etdirən sənəd prokurorun razılığı ilə dərc olunacaq. Hələlik Trampa qarşı ittihamların dəqiq sayı və cinayət faktlarının nə olduğu məlum deyil. 

Qeyd edək ki,  Tramp ABŞ tarixində cinayət məsuliyyətinə cəlb edilən ilk sabiq prezident olacaq. ABŞ-nin konstitusiyasına görə, bu, onun seçkilərdə iştirakına mane olmur.

Xatırladaq ki, sabiq prezident porno ulduzu Stormi Daniels ilə zorla cinsi əlaqədə olmaqda və ona susmaq qarşılığnda 130 min dollar rüşvət verməkdə ittiham olunur. Prosesi “siyasi hücum” kimi xarakterizə edən Tramp qərardan Floridadakı evində, Mar-a-Laqoda olarkən xəbər tutub.

Türkan