“ABŞ-dakı səs-küyə baxmayaraq...” – Rusiyanın Belarusdakı səfiri
“Rusiya Belarusun NATO sərhədləri yaxınlığında taktiki nüvə silahları yerləşdirəcək”.
Sfera.az bildirir ki, bunu Rusiyanın Belarusdakı səfiri Boris Qrızlov deyib. O, qeyd edib ki, sözügedən silahlar təhlükəsizliyin bir hissəsi olaraq ölkənin qərb sərhədinə aparılacaq.
“Bu, Avropa və ABŞ-dakı səs-küyə baxmayaraq ediləcək”, deyə Qrızlov Belarus dövlət televiziyasına bildirib. Silahların harada yerləşdiriləcəyini dəqiq söyləməyən səfir anbar tikintisinin iyulun 1-də tamamlanacağını bildirib.
Qeyd edək ki, Belarusiya Litva, Latviya və Polşa ilə həmsərhəddir. Digər tərəfdən, NATO ötən ilin fevralında Rusiyanın Ukraynaya hücumundan sonra sözügedən ölkələrdə yerləşən qoşunlarının sayını təxminən on dəfə artırıb.
Xatırladaq ki, taktiki nüvə silahları strateji nüvə silahlarına nisbətən daha az məhsuldarlığa malikdir və döyüş meydanında məhdud zərbələr endirmək üçün nəzərdə tutulub.
Günay Rəsulqızı