Azərbaycanda fəaliyyət göstərən xarici kommersiya banklarının kredit qoyuluşunda payı yenidən artır. 

Sfera.az Mərkəzi Banka istinadən xəbər verir ki, ümumi kredit qoyuluşunda xarici bankların payı 2020-ci ildə 6,7 faizə düşdükdən sonra davamlı artır. 

Bu nisbət 2021-ci ilin sonunda 7,4 faizə, 2022-ci ilin sonunda 8,3 faizə, 2023-cü ilin fevralın sonunda 8,6 faizə yüksəlib. 

Azərbaycanda 2020-ci ildə 7 xarici bank (nizamnamə kapitalının 50 faizindən 100 faizə qədəri əcnəbilərə məxsus olan) fəaliyyət göstərirdi. 2020-ci ildə həmin banklara fiziki və hüquqi şəxslərin 968 milyon manat kredit borcu olub. 2023-cü ilin fevralın sonunda xarici bankların sayı 5-ə düşüb, amma kredit borcu 1,745 milyard manata çatıb. 

Buradan göründüyü kimi bankların sayı azalsa da, kredit qoyuluşunda ciddi artım baş verib. Təxminən 2 il ərzində xarici bankların kredit qoyuluşu 777 milyon manat artıb.

Vasif