Aprelin 3-də Kosovonun keçmiş prezidenti, 1998-99-cu illərdə Serbiya hakimiyyətinə qarşı üsyana rəhbərlik etdiyinə görə öz həmvətənləri tərəfindən qəhrəman hesab edilən Haşim Taçi hərbi cinayətlərdə ittiham olunaraq Haaqada məhkəmə qarşısına çıxarılacaq.
 

Sfera.az bildirir ki, Kosovonun eks-prezidenti 100-ə yaxın mülki şəxsin öldürülməsi, işgəncə və adam oğurluğu da daxil olmaqla 10 ittihamın hamısını rədd edir.
Onun üç ən yaxın adamı, o cümlədən parlamentin iki keçmiş spikeri keçmiş Kosovo Azadlıq Ordusunun döyüşçüləri ilə eyni ittihamlarla təqsirli bilinib.
 

2020-ci ilin noyabrında Haaqada yaradılmış xüsusi Kosovo məhkəməsi Taçini Serbiya ilə müharibə zamanı qətl, işgəncə, təqib və zorla qaçırılma da daxil olmaqla, 10 hərbi cinayət və insanlığa qarşı cinayətdə ittiham edib. Həmçinin Kosovo üzrə Xüsusi Məhkəmə Taçini müharibə zamanı mülki əhalinin 100-ə yaxın qətlinə görə məsuliyyət daşıyır.


Elə həmin il Taçi prezidentlikdən gedəcəyini açıqlayıb, könüllü olaraq təslim olub və Haaqa məhkəməsinə verilib.
 

İş üzrə dörd müttəhim Kosovodakı serb mülki azlığına və Kosovo Azadlıq Ordusuna qarşı çıxan kosovo albanlarına qarşı genişmiqyaslı və ya sistemli hücumların həyata keçirildiyi cinayət fəaliyyətlərində iştirak etməkdə ittiham olunur.
 

Taçinin özü və tərəfdaşları ittihamları rədd edirlər.
 

Eyni zamanda, KİV qeyd edir ki, bir çox kosovalı albanlar tribunalın Kosovo Azadlıq Ordusuna qarşı qərəzli olduğunu bildirir və tribunalın təcrübəsini ləkələməkdə maraqlı olduğu qənaətindədirlər.

Qeyd edək ki, 1998-99-cu illərdə Kosovo Müstəqillik Müharibəsi zamanı 13.000-dən çox insan ölüb ki, onların əksəriyyəti Kosovodakı etnik albanlar, həmçinin serblər, qaraçılar və digər millətlərdəndir. Alyansın zərurətə çevrildiyini iddia etdiyi Serbiyaya bir sıra NATO hava hücumlarından sonra hərbi əməliyyatlar dayandırılıb.


O zaman Kosovo hələ də prezident Slobodan Miloseviçin dövründə Serbiyanın əyaləti hesab olunub. Miloşeviç Keçmiş Yuqoslaviya üzrə Beynəlxalq Cinayət Tribunalı tərəfindən mühakimə olunub, lakin hökm çıxarılmazdan əvvəl 2006-cı ildə vəfat edib.


2008-ci ildə Kosovo dünyanın yüzə yaxın dövləti tərəfindən tanınan müstəqilliyini elan edib. Eyni zamanda Rusiya, Hindistan və Çin Kosovo Respublikasını müstəqil dövlət kimi tanımayıb.

Haşim Taçi Serbiya ilə müharibə başa çatdıqdan sonra Kosovonun lideri olub və 2016-cı ildə prezident seçilib.
 

Xatırladaq ki, 2020-ci ilin iyununda Haşim Taçi insanlığa qarşı və müharibə cinayətlərində ittiham olunub. İttihamlarda Taçi və digər şübhəlilərin təxminən 100 qətlə görə cinayət məsuliyyəti daşıdığı iddia edilib.

5 noyabr 2020-ci ildə isə Kosovo Respublikasının beşinci prezidenti Haşim Taçi ona qarşı hərbi cinayətlər törətdiyinə dair rəsmi iddialar təsdiqləndikdən sonra vəzifəsini tərk etdiyini açıqlayıb.

Aysel

Sfera.az