Azərbaycan bank sistemində təmərküzləşmə səviyyəsində artım tendensiyası müşahidə edilir. 

Sfera.az xəbər verir ki, Azərbaycan Mərkəzi Bankının 2022-ci ilə dair “Maliyyə Sabitliyi Hesabatı”na əsasən son illər aktiv və depozitlər üzrə təmərküzləşmədə artım, kreditlər üzrə isə azalma qeydə alınıb. 

Mərkəzi Bank bildirir ki, bununla belə, 2022-ci ilin sonu üzrə bank sektorunda təmərküzləşmə aktivlər və depozitlər üzrə orta, kredit portfeli üzrə aşağı səviyyədə olub:

“Ən böyük 3 bankın sistem üzrə bazar payının dinamikası son illərdə təmərküzləşmənin artdığını göstərir. Belə ki, 2019-cu il illə müqayisədə ən böyük 3 bankın aktivlər üzrə bazar payı 9 faiz bəndi artaraq 65%, depozit portfeli üzrə bazar payı 13 faiz bəndi artaraq 70%, kredit portfeli üzrə bazar payı isə 8 faiz bəndi artaraq 48% olub. Son 3 ildə bank sektoru üzrə təmərküzləşmənin artımı diqqətdə saxlanılır”.

Vasif