Fransa nəhəngi PSJ-nin 31 yaşlı dünya şöhrətli futbolçusu Neymar qeyri-adi həyat tərzi ilə gündəmdən düşmür.

Sfera.az xəbər verir ki, “Twitch”də canlı yayımlarda saatlarla kompüter oyunları oynayan Neymar bu dəfə qumara olan həvəsini nümayiş etdirib.

Saatlarla kompüter qarşısında oturan və oyun oynayarkən hamburger yeməyi xoşladığını deyən Neymar bu dəfə daha ciddi itkiləri olan sahəyə üz tutub.

Ağır zədə səbəbindən mövsümü bağlayan PSJ-nin ulduzu Neymar onlayn pokerlə maraqlanmağa başlayıb. Braziliyalı futbolçu onlayn qumar oyununda bir neçə dəqiqə ərzində 1 milyon avrodan çox pul itirib.

İtirdiyi puldan sonra özünü ağlayırmış və əsəbiləşirmiş kimi göstərən Neymar daha sonra gülməyə başlayıb. 

Futbolçunun 10 günlük maaşını dəqiqələr içində itirməsi birmənalı qarşılanmayıb. Neymarın ilginc davranışları Fransa mətbuatında böyük əks-səda doğurub. Dünya mətbuatı da bu hadisəyə geniş yer verib.

Lalə
Sfera.az