Günəşdə Dünyadan 20 dəfə böyük dəlik aşkarlandı - Bu tarixdə maqnit qasırğası olacaq
NASA Günəşdə 20 Dünya ölçüsündə yeni dəliyin müşahidə edildiyini açıqlayıb.
Sfera.az xarici mətbuata istinadən bildirir ki, nəhəng dəlik 2 milyon 896 min kilometr sürətlə Yerə Günəş küləkləri göndərə bilir. Lakin bu küləklər dünya üçün təhlükə yaratmır.
NASA-nın məlumatına görə, martın 22-də aşkar edilən Yer planetindən 30 dəfə böyük olan dəlikdən sonra bu, həftə ərzindəki ikinci kəşfdir.
Alimlər cümə günü Yerə çatması gözlənilən küləklərin elektron infrastruktura zərər verməyəcəyini, ancaq bəzi bölgələrdə auroralar (Şimal işıqları) yaradacağını açıqlayıblar.
Bu cür dəliklər adətən Günəşin qütblərində görünsə də, aşkar edilən sonuncu dəlik ekvatorun yaxınlığında olub.
London Akademiyasının kosmik fizika üzrə professoru Daniel Verşeren "Tac dəliyinin yeri çox maraqlıdır. Mən bu cümə gecəsindən şənbə səhərinə qədər həmin tac dəliyindən Yerə sürətli küləyin gəlməsini gözləyirəm", - deyə bildirib.
Lalə
Sfera.az