ABŞ-də bank böhranının yaranmasına səbəb olan “Silicon Valley Bank” Federal Əmanətlərin Sığortalanması Korporasiyası (FDIC) tərəfindən satılıb. Bankın alıcısı “First Citizens Bank” olub.

Sfera.az xəbər verir ki, “First Citizens Bank” müflis olan bankı almaq üçün 500 milyon dollar ödəyib. 

“Silicon Valley Bank” ABŞ-nin ən böyük 16-cı bankı idi və cəmi aktivləri 167 milyard dollar təşkil edirdi. Ötən il bankın bazar dəyəri 40 milyard dollar olub. Bank müflis olduqdan sonra əvvəlki dəyərinin 1 faizi qiymətinə satılıb.

Xatırladaq ki, 2023-cü ilin martın 10-da adıçəkilən bank öhdəliklərini yerinə yetirə bilmədiyindən müflis elan edilmişdi. Bu qərardan sonra ABŞ-də daha 2 bank bağlandı və əvvəlcə Amerikada, ardınca isə Avropada bank bazarı təlaş səbəbindən ciddi vəsait itkisi ilə üzləşdi. 

“Silicon Valley Bank”ın yeni sahibinin müəyyənləşməsi bank sektoru üçün müsbət xəbər olub. Bu alışdan sonra ABŞ və Avropanın bank bazarında gərginliyin səngiyəcəyi gözlənilir. 

Vasif