Ermənistan parlamentinin hakim “Mülki müqavilə” fraksiyasından olan deputatı Qurgen Arsenyan bildirib ki, Rusiya Ermənistan hakimiyyətindən narazıdır, çünki Yerevan “ikitərəfli münasibətlərdə öz milli maraqlarını qorumağa başlayıb və əsassız tələbləri rədd edib”.

Sfera.az xəbər verir ki, deputat müxtəlif şəxslərin bu narazılığı ifadə etdiyini deyib:

“Zaxarova, təbliğatçılar, deputatlar, hərbçilər tərəfdən bəzi tezislər var, Ermənistandan, hakimiyyətdən narazılığın aşkar və gizli təzahürləri var... Səbəb odur ki, biz dövlət maraqlarını qorumağa başlamışıq",- Arsenyan parlamentin xarici əlaqələr komissiyasının iclasında bildirib.

Bundan əvvəl Baş nazir Nikol Paşinyan bəyan etmişdi ki, o, Ermənistanla Rusiya arasında münasibətlərdə böhran görmür, ölkələr arasında səmimi dialoq aparılır. 

İnci