Türkiyədə seçicilərin ən çox dəstəklədiyi namizədlər məlum oldu - ADLAR
Türkiyədə seçicilərin 47%-dən çoxu, ilkin məlumatlara görə, qarşıdan gələn seçkilərdə hazırki Prezident Rəcəb Tayyib Ərdoğana səs verməyə hazırdır.
Sfera.az xəbər verir ki, bu barədə “Optimar” tədqiqat mərkəzinin keçirdiyi sorğunun məlumatlarına istinadən “Hürriyet” məlumat yayıb.
Prezidentin əsas rəqibi, birləşmiş müxalifətin namizədi Kamal Kılıçdaroğlu, sorğuya görə seçkilərdə 45,3% səs toplayacaq. Optimar sorğusu martın 13-dən 18-dək 1916 respondent arasında keçirilib. Sözügedən mərkəz əvvəllər 2014 və 2018-ci il prezident seçkiləri və 2017-ci il referendumunu dəqiq proqnozlaşdırmışdı. Bundan əvvəl Türkiyədə ictimai rəy sorğuları göstərmişdi ki, Ərdoğan populyarlıq baxımından müxalifət liderindən 10% geri qalır.
Xatırladaq ki, martın 6-7-də “Alf Research”in keçirdiyi sorğu göstərib ki, Kılıçdaroğlu qarşıdakı seçkilərdə 55,1 faiz, Ərdoğan isə 44,9 faiz səs qazana bilər.
Qeyd edək ki, Türkiyədə seçkilər mayın 14-ü keçiriləcək.
Əzizə