İranda səhər saatlarında 5,6 bal gücündə zəlzələ ilə yenidən Xoy şəhəri və mahalı silkələnib.

Sfera.az xəbər verir ki, zəlzələ yerin 8 kilometr dərinliyində olub və cümə günü səhər saat 06:46-da baş verib.

Yeraltı təkanlar Urmiya və Təbrizdə də hiss olunub. İranın Qızıl Aypara Təşkilatının ilkin məlumatlarına görə, nisbətən güclü zəlzələ nəticəsində azı altmış səkkiz nəfər xəsarət alıb, xəstəxanada müalicə alanlar var.

Xatırladaq ki, Xoyda bu ilin yanvarında daha güclü zəlzələ baş vermiş, nəticədə bir neçə nəfər həlak olmuş və onlarla insan yaralanmışdır.

Əzizə