Narkotikləri çatdırmaq üçün göyərçinlərdən istifadə edirlər
Kanada həbsxanalarında cəzaçəkmə müəssisəsinə narkotik çatdıran çoxlu sayda göyərçin tapılıb. Quşların üzərinə kristal metamfetaminlə doldurulmuş kiçik “kürək çantaları” ilişdirilib.
Sfera.az bildirir ki, jurnalistlərin məlumatına görə, Abbotsford şəhərində (Britaniya Kolumbiyası, Kanada) həbsxana nəzarətçiləri məhbuslara qanunsuz maddələr çatdıran göyərçin aşkar ediblər.
27 fevral 2023-cü ildə Abbotsford Həbsxanasının əməkdaşları sonuncu narkotik daşıyan göyərçini aşkar ediblər. Quşun əlində məhbus geyimindən hazırlandığı üzə çıxan müvəqqəti bel çantası olub.
Bu dəfə göyərçin bağlamanın özü olmadan tapılıb. Amma ötən ilin dekabrında əvvəlki “kuryer” kristal metamfetaminlə dolu paketlə tutulub. Bu, son üç ayda ikinci hadisədir.
Polis hələ də məhbusların quşlardan kuryer kimi istifadə edərək, qadağan olunmuş maddənin müəssisəyə çatdırılmasını necə təşkil edə bildiklərini araşdırır. Bununla belə, Langley “North Road Racing Pigeon” Cəmiyyəti üzvü David Kaplanın bir fərziyyəsi var.
"Məhkumlar quşları ya kameranın pəncərəsindən, ya da hər gün ziyarət etdikləri bağçadan yem və su ilə təmin etməlidilər"-deyə o bildirib.
Lakin Vankuver Quşçuluq və Göyərçin Assosiasiyasının sərgi direktoru Endi Hansen bununla razılaşmayıb və fərqli bir fikir irəli sürüb. O hesab edir ki, çox güman ki, bağlamadakılar əkilib. Dərmanların çatdırılmasının bu üsulu uzun müddətdir ki, tətbiq olunur.
“Gərəkən kimsə narkotiki göyərçinə bağlayıb həbsxananın hasarından elə atıb ki, quş uça bilməsin”- Hansen deyib.
Ötən günlərdə Ohayo ştatında tapılan afrikalı servalın qanında da kokainin tapıldığı bildirilib. Bu da heyvan haqları müdafiəçilərinin narazılığına səbəb olub.
Aynil
Sfera.az
