Hitlerin yaxın dostu, gey nasist zabiti Ernst Röhmün maraqlı hekayəsi ilə bağlı məlum olanları sizin üçün təqdim edirik.
 

Ernst Röhm kimdir?

SS-dən əvvəl Nasistlərin yarımhərbiləşdirilmiş qüvvəsi olan "Sturmabteilung"un (qısa SA. Hücum Eskadronunun) rəhbəri Ernst Röhm Adolf Hitlerin yanında xidmət göstərən ömürlük nasist idi. Birinci Dünya Müharibəsinin əvvəlində üzündən aldığı zərbənin izlərini daşıyan Röhm veteran və birinci dərəcəli Dəmir Xaç medalı ilə yüksək təşkilatlanmış bir əsgər idi.

Birinci Dünya Müharibəsi başa çatdıqda Röhm Almaniyaya zülm edildiyini hiss etdi.
 

Ernst Röhm 1923-cü ildə gənc yaşlarında tanış olduğu Adolf Hitlerin təşkil etdiyi “Beer Hall” çevrilişində mühüm rol oynayıb. Bu çevriliş cəhdində Hitler tərəfdarları ilə birlikdə Bavariya əyalət hökumətini ələ keçirmək üçün Bavariya Müharibə Nazirliyinin binasına basqın etdi. Çevriliş yatırıldı və çevriliş cəhdinə görə məsuliyyət daşıyan zabitlər, o cümlədən Hitler həbs edildi.

Röhm bəraət aldı və parlamentə girib siyasətlə məşğul olmağa qərar verdi.

Lakin parlamentdəki qarışıq atmosferdən heç bir fayda verə bilməyəcəyini anlayanda deputat kürsüsündən istefa verdi və özünün “Frontbann” adlı hərbiləşdirilmiş təşkilatını yaratdı. Hitler həbsdən çıxandan sonra Röhm “Sturmabteilung”u öz təşkilatı olan “Frontbann” ilə birləşdirmək istədi, lakin Hitler bundan imtina etdi. Röhm bu pisləşən vəziyyətdə hərbi təcrübəsindən Boliviyaya hərbi müşavir olmaq üçün istifadə etdi və orada orduda xidmət etməyə başladı.
Bu, Hitler və Röhm arasında ilk gərginlik idi.
 

Bu, Hitler və Röhm arasında ilk gərginlik idi.

Röhm, açıq desək, küçədən gəldiyi üçün daha radikal və militarist bir anlayışa sahib idi. Hitler isə daha diplomatik idi və son məqsədi hakimiyyətə gəlmək olduğu üçün Almaniyanın görkəmli şəxslərini incitməməyə çalışırdı. Rohmun Boliviya illəri Hitlerə 1930-cu ildə təşkilatçı lazım olanda sona çatdı. İkisi arasındakı buz əridi və Hitler Rohmu Boliviyadan geri çağırdı və onu SA-nın başına qoydu.


Röhm çox uğurlu təşkilatçı idi.

Hitler də yaxın dostunun bu qabiliyyətini çox yaxşı bilirdi və ona çox güvənirdi. Röhm tez bir zamanda partiyanın nəzarətindən kənar hərbiləşdirilmiş SA qüvvələri təşkil etdi. Bütün dünyada iqtisadi böhranın hökm sürdüyü bir vaxtda SA qüvvələri həm kommunistlər üçün təhlükə yaratdıqları üçün zəruri idi, həm də saxta seçkilər keçirmək və nasistlərə qarşı namizədləri qorxutmaq planlarının faydalı elementi idi.
Röhmə görə, nasistlər hakimiyyətə gələndə SA orduya qoşulmalı, nasistlər isə bütün sistemi kökündən dəyişməli idilər.
 

Alman ordusundakı generallar isə SA-da nasistlərə xor baxırdılar, çünki onlar aristokratik mənşəli idilər. Röhmün məqsədinin eşidilməsi qalmaqallı idi. Almaniya prezidenti Hindenburq Rohmun planlarına qəti şəkildə qarşı çıxdı. O zaman Hindenburq nasistləri qovmaq səlahiyyətinə malik olan yeganə şəxs idi. Nasist təcrübələrindən narahat olması Hitlerin planlarını həyata keçirə bilməyəcəyi anlamına gəlirdi. Üstəlik, dövrün müdafiə naziri Blomberq Hitlerə göndərdiyi ultimatumda deyirdi ki: “bu gərginlik aradan qaldırılmasa, ölkənin idarəsi orduya təhvil veriləcək”. Yalnız bir seçim qalırdı: Hitler Röhmu aradan götürmək.
 

Adolf Hitler qərara gəldi ki, onun yeganə variantı Röhmü aradan qaldırmaqdır. Bu dövrdə Hitler və Röhm arasında su sızmadı; o qədər ki, Röhm hamının “fürer” adlandırdığı nasist liderinə “Adolf”, “sən” deyə müraciət edə bilən nadir insanlardan biri idi. Gizli plan quruldu və Röhmün Fransadan pul alıb Hitleri devirməyi planlaşdırdığı uydurma sənədlərlə açıqlandı. Bu iddialar Berlində yayılan söz-söhbətlərə də uyğun gəlirdi: Rohmun ara-sıra fərqli mövqeyi Hitlerə dedi-qodu yaymaqda kömək edirdi.
 

Röhm bu ittihamla həbs edilir

Onunla birlikdə tutulan SA zabitləri edam edilir, Röhmə isə silah verildi və "10 dəqiqəyə özünü öldür" deyilir. Röhm cavab verdi: "Əgər məni öldürəcəklərsə, Adolf bunu etməlidir". On dəqiqədən sonra zabitlər hələ də gözləyən Röhmə atəş açaraq öldürdülər.
Onun ölümündən sonra Röhmün homoseksuallığı ilə bağlı “qalmaqal” yaratmağa cəhd edilib.
 

Röhmün homoseksual olması xəbəri sanki şoka salan kimi qəzetlərdə çıxdı.

Ən görkəmli nasistlər, xüsusilə Hitler özü belə Röhmün açıq homoseksuallığından xəbərdar idi. Polis hətta Hitlerə bir neçə dəfə Röhmün gey olduğunu sübut edən bəzi məktublar göndərib. Hitler o zaman bu vəziyyətə əhəmiyyət verməyib; çünki bütün populist siyasətçilər kimi onun mühafizəkarlığı öz yaxın çevrəsinə deyil, kənara yönəlmişdi.

Sonrakı illərdə Röhmün adı nasist tarixindən silinməyə çalışıldı.
 

Onun ölümündən sonra Röhmün reputasiyasını məhv etmək istəyən nasist partiyasının üzvləri Röhmün şəkillərini hətta Hitler haqqında çəkilmiş məşhur təbliğat filmlərindən də sildirdilər. Əgər Röhm həmin gün öldürülməsəydi, bəlkə də nasistlər digər ölümcül planlarını həyata keçirməyə cəsarət etmədən bu məğlubiyyətdən sonra qovulub tarix səhnəsindən itəcəkdilər.

Aysel

Sfera.az