Yeni ailə quran məşhur cütlük boşanır? - Demet Özdemir evi tərk etdi
Ötən avqust ayında möhtəşəm toy mərasimi ilə ailə quran məşhur cütlük Demet Özdemir və Oğuzhan Koçun evliliyinin üzərində qara buludlar dolaşır.
Sfera.az xəbər verir ki, bu barədə “Hürriyet”in əməkdaşı Mehmet Üstündağ yazıb.
O bildirib ki, fevralın 26-da yeni yaşını qeyd edən Demet Özdemir doğum günündə xeyriyyə kampaniyası başladıb və böyük miqdarda ianə toplayıb. Zəlzələ fəlakəti səbəbindən ad günü keçirmək istəməyən aktrisa üçün yaxın dostları kiçik şənlik təşkil ediblər. Dostlarının evində keçirilən bu şənlikdə Oğuzhan Koç həyat yoldaşını əsəbiləşdirəcək hərəkətlər edib. Demet Özdemir əri ilə birlikdə evə qayıtmaq əvəzinə yaxın dostu Səadət Özsırkıntının evinə gedib.
Bir neçə gün ayrı qaldıqdan sonra peşman olan Oğuzhan Koç əlində çiçəklə həyat yoldaşının olduğu çəkiliş meydançasına gedərək üzr istəyib, bu jestdən təsirlənən Özdemir isə evə qayıdıb. Lakin cütlük bir neçə günlük xoşbəxtlikdən sonra yenidən mübahisə edib. Cütlük arasındakı mübahisənin səbəbi bilinmir. Ancaq Demet Özdemirin bu son davdan sonra yenidən evi tərk etdiyi bildirilir.
Lalə
Sfera.az
