2022-ci ildə dövlət büdcəsi 31 milyard manat, xərclər isə 32 milyard manat təşkil edib.

Sfera.az xəbər verir ki, bunu Baş nazir Əli Əsədov Azərbaycan Respublikası Nazirlər Kabinetinin 2022-ci ildə fəaliyyəti haqqında hesabatını Milli Məclisə təqdim edərkən deyib.

"Son vaxtlar inflyasiya bütün dünyada ciddi problemə çevrilib. Bu proses ölkə daxilində qiymət artımlarına səbəb olub. 2022-ci ildə orta illik inflyasiya 13.9% təşkil edib. Qiymət indeksi 22%-dən çox olub. Antiinflyasiyanın tətbiqi haqqında Prezidentin müvafiq Sərəncamına əsasən tədbirlər görülür. Ukraynadakı müharibə dünya qida iqtisadiyyatını şoka salıb. Azərbaycanda ərzaq təhlükəsizliyinin təmin edilməsi hökümət qarşısında tələb kimi qoyulub. Əsas ərzaq məhsulları üçün ehtiyatların yaradılması təmin edilib. Kənd təsərrüfatı istehsalçılarının ərzaq təhlükəsizliyini təmin etməsi üçün 540 milyon manat vəsait sərf edilib. Bu da 2022-ci illə müqayisədə 18.8% çoxdur".

Əzizə Zeynal