Rusiyalı zənginlər sanksiyalara görə Zimbabvedə safari turlarını dayandırırlar
Səyahət imkanlarını ciddi şəkildə məhdudlaşdıran Qərbin sanksiyalarına görə Rusiyanın zəngin vətəndaşları Zimbabvedə turlar və ov safariləri almağa daha çox meylli olublar.
Sfera.az bildirir ki, bu Afrika ölkəsinin populyarlığının əsas səbəblərindən biri olub.
Zimbabve Safari Operatorları Assosiasiyasının prezidenti Emmanuel Fundira sözlərinə görə, o, ənənəvi bazarlardan kənar müştərilərin sayının xüsusilə Rusiya hesabına artdığını görür.
Buna bir nöb Zimbabvenin də Qərb sanksiyaları ilə üzləşməsi kömək edib. ABŞ və Aİ Zimbabvenin liderlərini insan haqlarını pozmaqda və seçkiləri saxtalaşdırmaqda ittiham edərək, onlara da məhdudiyyətlər qoyub.
Zimbabve prezidenti Emmerson Mnanqaqvanın administrasiyası Qərbin tədbirlərinə cavab olaraq Moskva, Pekin və Minsklə münasibətləri gücləndirməyə başlayıb. Belarus prezidenti Aleksandr Lukaşenko fevralın əvvəlində Zimbabveyə səfər edib və bu, Belarus liderinin səfər etdiyi ilk Afrika ölkəsi olub. 2023-cü ilin yanvar və fevral aylarında Rusiyanın xarici işlər naziri Sergey Lavrov da Afrika ölkələrinə səfər edib. Rusiyalı nazir Sudan, Mali, Mavritaniya, Eritreya, Esvatini və Anqolaya səfər edib.
Emmanuel Fundirə görə, Qərbin bəzi varlı ruslara qarşı sanksiyaları onların müəyyən turizm istiqamətlərinə girişini məhdudlaşdırır. Zimbabve də öz növbəsində Moskva ilə dostluq əlaqələrindən istifadə etməyə çalışır.
Təkcə bir rusiyalı turist bu yaxınlarda Zimbabvedə iki həftəlik safari üçün 500 min dollar xərcləyib. O, daha ətraflı məlumat verməkdən imtina edib.
İyulun 26-29-da Sankt-Peterburqda ikinci Rusiya-Afrika İqtisadi Forumu keçiriləcək. Fundirin sözlərinə görə, tədbir Zimbabvenin safari sənayesinə zəngin ruslara ölkəni reklam etmək üçün əlavə imkan verəcək.
Qeyd edək ki, Zimbabve fillərin sayına görə Afrikada ikinci yeri tutur; ölkədə təxminən 100 min fil var. Fil ovlamağa icazə almaq üçün isə 10.000 dollar ödəmək lazımdır. Bundan başqa Zimbabvedə kərgədan, şir, bəbir və camışlara da rast gəlinir.
Aynil
Sfera.az