İspaniyalı futbolçu Pike ilə müğənni Şakiranın qalmaqallı ayrılması 2022-ci ilin yayından bəri izlənilir və diqqət mərkəzindədir.
 

Pike ilk dəfə Şakiranın "intiqam mahnısı"na cavab vermişdi.
 

Sfera.az bildirir ki, ötən gün RAC1-də müsahibə verən Pike keçmiş sevgilisi barədə soruşduqda səmimi cavablar verib.
 

"Danışmaq istəmirəm. Hər ikimiz məsuliyyət daşıyırıq, biz valideyn olaraq övladlarımızı qorumalıyıq. Hər kəs öz qərarını verir. Artıq-əksik danışmaq istəmirəm. Sadəcə övladlarımın yaxşı olmasını istəyirəm" -deyə Pike bildirib.


"Övladlarımla həmişə yaxın münasibətim olub. Övladım məndən Krallar Liqasında iştirak etməyi xahiş edəndə necə həyəcanlı idi. Məni oğlumun sevincindən daha çox sevindirən heç nə yoxdur. Bunu yenə olsa, yenə edərdim"- deyə keçmiş FC Barcelona üzvü əlavə edib.
 

Qeyd edək ki, cütlük ötən yay ayrılıb.

Şakira həm Pikenin, həm də onun yeni yoldaşı Klara Çia Martidən bəhs edən dünyaca məşhur mahnılar buraxıb, ispaniyalı futbolçu isə bəzi şəkillərində bu sözlərlə lağ edib.


Əvvəllər Şakira keçmiş sevgilisi ilə 23 yaşlı sevgilisinin yeni münasibətini lağa qoyduğu qisas mahnısını yayımlayıb. Daha sonra Gerard Pique Casio brendi ilə əməkdaşlığa başlamaqla Şakiranın mahnısına cavab verib.

Pikenin Şakira ilə şəkilləri silməməsi də diqqətlərdən yayınmayıb.

Aynil

Sfera.az