Bu ölkə “Vaqner”i terror təşkilatı kimi tanıdı

Litva parlamenti Rusiya təhlükəsizlik şirkəti “Vaqner”i terror təşkilatı kimi tanıyan qətnamə qəbul edib. 

Sfera.az xəbər verir ki, qərarda "Vaqner"in təcavüzkar Rusiya ilə birlikdə hərbi əməliyyatlarda fəal iştirak etdiyi, Ukraynada terrorçuluğa bərabər sayılan hərəkətlər etdiyi bildirilib. 

Bundan əlavə, qərarda terror təşkilatı kimi tanınan “Vaqner”in Mərkəzi Afrika Respublikası, Sudan və Mali kimi ölkələrdə də fəaliyyət göstərdiyi və ABŞ Maliyyə Nazirliyi tərəfindən “transmilli cinayət təşkilatı” kimi müəyyən edildiyi vurğulanıb. 

Qərara “Vaqner”in təsisçisi Yevgeniy Priqojin “Telegram” vasitəsilə cavab verib:

“Litva mikrodövlətdir və Litva parlamentarilərinin fikirləri hətta qonşu ölkələrin Latviya və Estoniya sakinlərinə çətin ki, təsir edə bilər”.

Priqojin onu da əlavə edib ki, qərarın qəbulu “Vaqner”in işinə heç bir şəkildə təsir etməyəcək.

Vasif