Evlənib cəmi 1 gün eyni evdə yaşayan cütlüyün boşanma davası 2 nəfərin yaralanması ilə nəticələnib. 

Sfera.az bildirir ki, hadisə Türkiyənin Ankara şəhərində baş verib.

Ankara Ailə Məhkəməsində Zeynep A. ilə Onur A.-nın boşanma prosesi ilə bağlı davam edən məhkəmənin ikinci iclasından sonra tərəflər arasında mübahisə düşüb. Ədliyyə binası qarşısındakı mübahisə qısa zamanda davaya çevrilib.

Onur A. qaynanası S.Y.-ni yumruqlayıb, atası Yılmaz A. isə avtomobili qız tərəfinin üzərinə sürüb. Zeynep A.-nın qardaşı Yiğit Y. də davaya qarışaraq Yılmaz A.-ya bıçaqla xəsarət yetirib.

Hadisə yerinə sağlamlıq və polis qrupları sövq edilib.

Yılmaz A. və S.Y. tibb işçilərinin ilk müdaxiləsindən sonra xəstəxanaya aparılıb. Dava edən şəxslər polis tərəfindən saxlanılıb. 

Hadisə ilə bağlı araşdırma aparılır. 

Lalə
Sfera.az