Siyasətçi əmindir ki, 2024-cü ildə ABŞ-da keçiriləcək prezident seçkilərində qalib gələcək və Oval kabinetə girməzdən əvvəl Rusiya-Ukrayna müharibəsinə son qoyacaq.
 

Sfera.az bildirir ki, Donald Tramp özünü Üçüncü Dünya Müharibəsinə imkan verməyəcək yeganə siyasətçi və ölkə başçısı postuna iddialı adlandırıb.
 

Tramp Ayova ştatında tərəfdarları toplaşan mitinqdə deyib: "Əgər bir şey tezliklə baş verməsə, biz III Dünya Müharibəsinə girəcəyik. Buna söz verə biləcək yeganə namizəd mənəm: Mən III Dünya Müharibəsinin qarşısını alacağam".
 

Bundan əlavə, siyasətçi Rusiya Silahlı Qüvvələrinin Ukraynaya genişmiqyaslı müdaxiləsinə səbəb olan şeylərdən danışıb. Tramp hesab edir ki, ABŞ ordusunun Əfqanıstandan uğursuz çıxışı Rusiya lideri Vladimir Putini qonşu dövlətə qarşı təcavüzə təhrik edə bilər.
 

Həmçinin ABŞ-ın 45-ci prezidenti əmindir ki, Ukraynada müharibəni bitirmək yalnız onun gücünə malikdir.
 

Tramp Vladimir Putinlə birbaşa dialoqa toxunaraq:
 

“Oval kabinetə gəlməmişdən əvvəl Rusiya ilə Ukrayna arasında fəlakətli müharibəni bitirəcəyəm. Nə deyəcəyimi bilirəm"-deyib.
 

Xatırladaq ki, martın 9-da ABŞ prezidenti Co Bayden gələcək varisi Donald Trampın adını çəkərək özü ilə zarafat da edib. Filadelfiyada keçirilən tədbir zamanı Bayden 400 yaşında olması ilə bağlı zarafat edib və Amerikanın parlaq gələcəyinə inandığını bildirib.
 

Öz növbəsində Donald Tramp martın əvvəlində Rusiyaya Ukrayna ərazilərinin bir hissəsini verməyə hazır olduğunu bəyan edib. Eks-prezident jurnalist Şon Hennetiyə müsahibəsində “ən pis halda belə bir addım atacağını” deyib.

Aysel

Sfera.az