Bir qrup rusiyalı qadın Vladimir Putinə müraciət edib.

Sfera.az “The Telegrahp”a istinadən bildirir ki, onlar ərləri və uşaqlarının lazımi təlim keçmədən cəbhə xəttinə göndərilməsinin dayandırılmasını istəyiblər.

Yayılan videoda qadınlar Putinin yeni çağırışçıların dərhal cəbhə xəttinə göndərilməyəcəklərini deməsindən sonra onların orduya səfərbər olunmasını xəyanət adlandırıblar. Onlar qeyd edib ki, yaxınları Ukraynadakı döyüş meydanlarına “kəsilməyə hazır ət” kimi göndəriliblər.

“Onlar vətənlərinə xidmət etməyə hazırdırlar, lakin öz sahələri üzrə. Sizdən xahiş edirik ki, övladlarımızı, həyat yoldaşlarımızı təmas xəttindən geri çəkəsiniz, artilleriyaçılara sursat verəsiniz”, deyə qadınlardan biri deyib.

Xatırladaq ki, Vladimir Putin sentyabr ayında 300 mindən çox insanın səfərbər edilməsi ilə bağlı əmr imzalayıb. Hərbi xidmətə çağırılanların çoxu həlak olub. İtkilərin çox olmasının səbəbləri arasında zəif təlim və avadanlıq çatışmazlığı göstərilib. Məlumata görə, yeni çağırışçılar köhnə silah və yararsız geyimlərlə döyüşə göndərilir.

Türkan