ABŞ-ın müdafiə naziri Lloyd Ostin Yaxın Şərq turu çərçivəsində martın 9-da İsrailə gəlib və baş nazir Benyamin Netanyahu və ölkənin müdafiə departamentinin nümayəndələri ilə görüşüb. İki dövlətin yüksək vəzifəli şəxsləri regionda təhlükəsizlik məsələlərini, xüsusilə də İranın nüvə proqramı ilə bağlı təhdidləri müzakirə ediblər.
 

Sfera.az bildirir ki, bu barədə İsrailin “İsrael Hayom” nəşri məlumat yayıb.
 

Pentaqonun rəhbərinin İsrailə gəlişi ölkənin məhkəmə sistemində islahatlarla bağlı Netanyahunun siyasətinə qarşı son etiraz dalğası səbəbindən bir qədər ləngiyib. Buna baxmayaraq, görüş baş tutub və tərəflər regionda İranın təcavüzünün qarşısının alınması və İranın nüvə silahı əldə etməsinin qarşısının alınması mexanizmlərini müzakirə ediblər.


“Bizim ümumi gündəliyimiz var: İranın nüvə silahı əldə etməsinin qarşısını almaq, İranın təcavüzünün qarşısını almaq, regionda təhlükəsizliyi və rifahı qorumaq”-deyə Netanyahu bildirib.
 

O, son vaxtlar Qərbi Avropa ölkələrində İrana münasibətin dəyişdiyini qeyd edib və İran hökumətinin hərəkətlərinə aqressiv yanaşmanın gücləndirilməsinin zəruriliyini etiraf edib.
 

Ostin öz növbəsində ABŞ və İsrailin regionda sabitliyin təmin edilməsi sahəsində əməkdaşlığını, eləcə də iki ölkənin ümumi təhdidlərə qarşı mübarizə aparmaq niyyətini təsdiqləyib.
 

“Biz fəal müdafiə əməkdaşlığımız vasitəsilə regional sabitliyi gücləndirmək və ümumi təhdidlərə qarşı çıxmaq üçün İsraillə yaxından işləməyə davam edəcəyik”- deyə ABŞ müdafiə naziri bildirib.


Xatırladaq ki, Amerikanın Fox News telekanalının məlumatına görə, Tehran 2015-ci ilin Birgə Hərtərəfli Fəaliyyət Planı (JCPOA) çərçivəsində İrana zənginləşdirilmiş uranın tədarükü ilə bağlı Moskva ilə müqavilə bağlayıb. Nəşr həmçinin MAQATE-nin məlumatlarına istinad edərək, İranın təklif etdiyi nüvə proqramı üçün artıq kifayət qədər zənginləşdirilmiş uranı topladığını iddia edib.
 

Pentaqonun sözçüsü Kolin Kahlın sözlərinə görə, İran təxminən 12 gün ərzində nüvə bombası istehsal edə bilər. O, İranın nüvə inkişafındakı irəliləyişləri etiraf edib və ABŞ-ın JCPOA-dan çıxmasının buna töhfə verdiyini qeyd edib.

Aynil

Sfera.az