Bu gün Avropada təbii qazın gündəlik satış qiyməti bir qədər də azalaraq 450 dollar olub. 

Sfera.az xəbər verir ki, mövcud qiymət 27 iyul 2021-ci ildən bəri qeydə alınan ən aşağı qiymətdir. 

Avropalı ekspertlər qazın ucuzlaşmasını qış mövsümünün sona yaxınlaşması və qaz anbarlarının doluluq səviyyəsinin yüksək olması ilə əlaqələndirir. Hazırda qaz anbarlarının tutumunun 61 faizi doludur ki, bu da son onilliklərin ən yüksək göstəricisidir. Qiymətləndirmələrə görə martın 31-də doluluq səviyyəti 55%-ə düşərək rekord səviyyəsini qoruyacaq. 

Qeyd edək ki, Avropada gündəlik qiymətlərin enməsi uzunmüddətli sazişlə satılan qazın dəyərinin də tədricən düşməsinə səbəb olur. Azərbaycan Avropaya ixrac etdiyi qazı əsasən uzunmüddətli qiymətə satır.

Vasif