Lavrov taxıl sazişinin uzadılmasını “mürəkkəb məsələ” adlandırdı

Taxıl sazişi üzrə öhdəliklərin bir hissəsi ümumiyyətlə yerinə yetirilmir, ona görə də müqavilənin uzadılması mürəkkəb məsələdir.

Sfera.az xəbər verir ki, bu barədə Rusiyanın xarici işlər naziri Sergey Lavrov məlumat verib.

Bundan əvvəl Rusiya Xarici İşlər Nazirliyi bildirmişdi ki, Qərb “paket”in Rusiya hissəsinin həyata keçirilməsini sabotaj etməklə BMT-nin baş katibi Antonio Qutereşin humanitar təşəbbüsünü “dəfn edir”.

Lavrovun sözlərinə görə, sövdələşmənin yalnız yarısının tamamlandığını nəzərə alsaq, onun uzadılması məsələsini həll etmək çətindir.

"Əgər söhbət sövdələşmədən gedirsə, deməli, bu, paketli sövdələşmədir, siz yalnız artıq həyata keçirilən şeyi uzada bilərsiniz. Əgər paketin yarısı tamamlanıbsa, o zaman uzadılma məsələsi kifayət qədər mürəkkəbləşir", - rusiyalı nazir bildirib.

Qeyd edək ki, Rusiya, Türkiyə, Ukrayna və BMT nümayəndələri tərəfindən 2022-ci il iyulun 22-də imzalanan taxıl sazişi Odessa da daxil olmaqla üç limandan Ukrayna taxılının, ərzaq və gübrələrin Qara dəniz vasitəsilə ixracını nəzərdə tutur. İstanbuldakı Birgə Koordinasiya Mərkəzi ixrac gəmilərinin hərəkətinin koordinasiyasına cavabdehdir. Müqavilə 2022-ci il noyabrın 18-də başa çatıb, lakin tərəflərdən hər hansı birinin etirazı olmadan müqavilənin 120 gün, 18 mart tarixinə qədər avtomatik uzadılması nəzərdə tutulub.

İnci