“Adidas” məşhur reperə görə çətin vəziyyətdə qaldı: Çıxış yolu isə..

Almaniyanın idman geyimləri, ayaqqabıları və aksesuarları istehsalçısı “Adidas” dünyaca məşhur reper Kanye Uest ilə əməkdaşlığı dayandırandan sonra çətin vəziyyətlə üzləşib.

Sfera.az bildirir ki, 1,2 milyard avro dəyərində satılmamış ayaqqabılara görə mübarizə aparan şirkət səhmdarlarının dividendlərini azaltmaq qərarına gəlib. “Adidas” reper tərəfindən hazırlanmış “Yeezy” brendinin məhsullarını satmaq üçün sadəcə 15-30% şansın olduğunu söyləyib. Şirkət indi investorlara illik ödənişini 79 faiz azaldaraq səhm başına 70 sentə endirməyi təklif edib. Nəticədə “Adidas”ın səhmlərinin qiyməti 3 faizə qədər ucuzlaşıb.

Qeyd edək ki, idman malları brendi “Adidas” dünyaca məşhur reper, prodüser və modelyer Kanye Uestin "antisemit" sözlərindən sonra əməkdaşlığı dayandırdığını açıqlayıb. “Adidas"dan verilən açıqlamada şirkətin “antisemitizmə və hər hansı nifrət nitqinə” dözə bilməyəcəyi bildirilib. Şirkətin baş icraçı direktoru “Biz ehtiyatları və endirimləri azaltmalıyıq. Daha sonra 2024-cü ildə yenidən gəlirli biznes qurmağa başlaya bilərik. “Adidas” fantastik brenddir, böyük infrastruktura və istedadlı insanlara malikdir. Biz onu yenidən dünyanın ən yaxşı idman brendi edəcəyik”, deyə söyləyib.

Türkan