Taliban Əfqanıstanda hasil edilən neftin ilk auksionunu elan etdi

Taliban Əfqanıstanda hasil edilən neftin ilk auksionunu elan edib.

Sfera.az bildirir ki, bu gün 20 min ton Kaşqar neftinin və 7 min ton Anqut neftinin satışı üzrə tender keçirilib. Kəşfiyyat işlərinin müddəti üç il nəzərdə tutulub. Çıxarılan neft Əfqanıstanda emal edilməli olacaq.

Bu barədə Əfqanıstana nəzarət edən Taliban hərəkatının Mədən və Neft Nazirliyi bu gün məlumat yayıb.

Tender Mədən və Neft Naziri vəzifəsini icra edən Şahabuddin Delaverin iştirakı ilə keçirilib.

"Biz Əfqanıstanda hasil edilən neftlə bağlı ilk ticarətin şahidi oluruq və qürurvericidir ki, müraciət edən şirkətlər də ölkə daxilində yerləşiblər və xammalın bütün emalı Əfqanıstan daxilində həyata keçiriləcək"- deyə Delaver bildirib.


Gözlənilən neft hasilatının həcmi tədricən 1 min tondan 23 min tona qədər artmaqla göstərilir. Çinin sərmayəsinin 3 il ərzində 150-540 milyon dollar arasında olması ilə bağlı danışıqlar aparılıb. Kəşfiyyat işlərinin müddəti üç il nəzərdə tutulub. Çıxarılan neft Əfqanıstanda emal edilməli olacaq.

Əfqanıstan bu layihədə 20% iştirak payı və tədricən 75%-ə yüksəlməklə tərəfdaş olacaq. Müqavilənin müddəti 25 ildir. Bu müqavilə Taliban Əfqanıstanda hakimiyyətə gəldikdən sonra ilk beynəlxalq investisiya müqaviləsidir.

Yeri gəlmişkən, Rusiya neftinin Qanada saxlanacağı məlum olub, çünki öz enerji resursuna alıcı tapmayıblar. Rusiya Federasiyası artıq Qara dəniz limanından təxminən 600 min barel nefti Afrika ölkəsinə yönləndirib.
 

Xatırladaq ki, yanvarın 21-də Albaniyanın Durresi şəhərində Rusiyadan 22,5 min ton qaçaqmalçılıq yolu ilə neft daşıya bilən gəminin saxlanması barədə məlumat yayılmışdı.


Hələ 2022-ci ilin sentyabrında Rusiya Əfqanıstandakı Taliban hökuməti ilə neft məhsulları, mayeləşdirilmiş təbii qaz və buğda tədarükü ilə bağlı razılığa gəlib.
 

Qeyd etmək lazımdır ki, Rusiyada Taliban terror təşkilatı kimi tanınır. Buna baxmayaraq, hərəkatın liderləri Kabilin süqutu ərəfəsində Kremldə qəbul edilib və Rusiya səfirliyi Əfqanıstan paytaxtında hələ də fəaliyyət göstərən azsaylı səfirliklərdən biridir.
 

Taliban 90-cı illərin birinci yarısında Əfqanıstanda puştun xalqının nümayəndələri arasında yaranmış islami radikal dini hərəkatdır. 2021-ci ildə Amerika qoşunları çıxarıldıqdan sonra yenidən ölkəni ələ keçiriblər. Bir çox ölkələrdə Taliban terror təşkilatı hesab olunur.

Aynil

Sfera.az