Pəhriz etmədən də ARIQLAYA BİLƏRSİNİZ - ÜSULLAR

Sağlam və incə bədənə sahib olmaq üçün kifayət qədər və düzgün qidalanmaq lazımdır. Yanlış qidalanma vərdişləri bədənin tez piylənməsinə səbəb olur. 

Sfera.az bildirir ki, pəhrizsiz arıqlamaq da mümkündür.  Həmin üsulları təqdim edirik.

Düzgün yuxu rejimi -  Bununla arıqlama arasındakı əlaqə hər kəsi təəccübləndirsə də, nizamlı yuxu arıqlamanın əsasını təşkil edir. Qeyri-kafi yuxu saatları ertəsi gün bədəninizdə ödəmin yığılmasına səbəb olur. Gec saatlara qədər oyaq olmaq və yuxusuz qalmaq yemək ehtiyacı yaradır. Arıqlamaq üçün 7-8 saat yatmaq məsləhət görülür.

Yaşıl çay və su - Yaşıl çay maddələr mübadiləsini sürətləndirir, immunitet sistemini gücləndirir və arıqlamağa kömək edir. Su isə bədəndə yığılan ödəmi və toksinləri qısa müddətdə çıxarır, eyni zamanda yağların yandırılmasına şərait yaradır. Bu baxımdan dündə 2-2,5 litr su içmək vacibdir.

Şorbalar - Yeməkdən əvvəl şorba içmək arıqlamağı asanlaşdırır. Yüksək lifli tərəvəz şorbaları və ya klassik şorbalar toxluq hissini artırır. Beləliklə, siz artıq kalori qəbulunun qarşısını almış olursunuz. 

Axşam yeməyini az yeyin - Axşam yeməyində çox yağlı və sousu olan qidaları seçmək əvəzinə, su və lif tərkibi yüksək, kalorisi az olan mövsümi tərəvəzləri seçmək arıqlamağınızı asanlaşdıracaq.

Porsiyaları azaltmaq – Bu, arıqlamaq üçün edə biləcəyiniz ən praktik addımdır. Porsiyaların azaldılması rasionunuzdan qeyri-sağlam qidaları çıxarmaq və gün ərzində istehlak etdiyiniz zərərli qidalardan uzaq durmaqdır.  Bununla siz rahat arıqlaya biləcəksiniz.

Türkan