8 Mart Beynəlxalq Qadınlar Günü Bakımetropoliteni xətlərində qatarların hərəkəti “28 May-Həzi Aslanov” istiqamətində saat 7:00-dan 21:00-a qədər 2,5 dəqiqəlik intervalla tənzimlənəcək.

Bu barədə “Bakı Metropoliteni” QSC məlumat yayıb.

Maraqlıdır, qeyd olunmuş saatlardan əvvəl və sonra metro çalışmayacaq?

Məsələ ilə bağlı Sfera.az-a açıqlama verən “Bakı Metropoliteni” QSC-nin mətbuat xidmətinin rəhbəri Bəxtiyar Məmmədov sabah metronun tam rejimdə fəaliyyətdə olduğunu deyib:

"Sabah Bakımetropolitenində qatarların hərəkəti “28 May-Həzi Aslanov” istiqamətində saat 7:00-dan 21:00-a qədər 2,5 dəqiqəlik intervalla tənzimlənəcək. Digər saatlarda da metro çalışacaq, lakin qatarlar arasında interval 3 dəqiqə və daha çox ola bilər". 

Əzizə Zeynal