"Ursula fon der Lyayen NATO-nun Baş katibi ola bilər" - “La Repubblica”
Avropa Komissiyasının sədri Ursula fon der Lyayen NATO-nun Baş katibi ola bilər.
Sfera.az bildirir ki, bu iddia ilə İtaliyanın “La Repubblica” nəşri çıxış edib. Qeyd olunub ki, o, Avropa Komissiyasında yenidən seçilməsə, karyera dönüşü yaşana bilər. “Ursula fon der Lyayen yenidən seçilməsə, NATO-nun baş katibi postuna müraciət edə bilər”, - yazıda bildirilib.
Nəşrin məlumatına görə, İtaliyada da Ursulanın bu vəzifəyə ideal namizəd olacağına inanırlar: "Potensial alternativ namizədlərin olması inandırıcı deyil. Avropa Komissiyasının rəhbərinin martın 7-də Ottavaya getməsi də NATO baş katibi vəzifəsinə mümkün namizədliyinin bir hissəsi kimi qəbul edilməlidir”.
Qeyd edək ki, martın 10-da Ursula ABŞ prezidenti Co Baydenlə görüşməyi planlaşdırır.
Günay Rəsulqızı
