"Dövlət orqanlarına daxil olan məktubların həlli faizi nə qədərdir? Bəzən məktublar dövlət orqanları arasında vargəl edir". 

Sfera.az xəbər verir ki, bunu Milli Məclisin plenar iclasında deputat Razi Nurullayev bildirib.

O, bəzi dövlət qurumlarının etinasızlığından şikayətlənib:

"Problemlər olan məktublar bir dövlət qurumundan digərinə, bəzən də bir deputatdan başqasına keçir. Bəlkə də, dünyada məktub dövriyyəsi üzrə yarış keçirilsə, Azərbaycan birinci yerdə olar".

Millət vəkili qadınların və kişilərin pensiya yaşının azaldılmasını da təklif edib:

"Bundan başqa qadınların pensiyaya çıxmaq üçün son yaş həddi 60, kişilər üçün 62 olmalıdır. Kəndlərdə, qəbəblərdə gecəqondularda milyonlarla insan pis vəziyyətdə yaşayır. Bütün xəstəliklər cavanlaşıb, ölənlər arasında cavanlar çoxdur. Qəbiristanlıqda monitorinq aparmışam, ölənlərin çoxu yaşlanmır. Ona görə ümid edirəm ki, pensiya yaşının azaldılması təklifi nəzərə alınacaq".

Əzizə Zeynal