İnternetə çıxışı məhdudlaşdıran ölkələrlə bağlı HESABAT - Siyahıda Azərbaycan da var
2022-ci ildə internetə çıxışı məhdudlaşdıran ölkələrin statistikası açıqlanıb.
Sfera.az "Access Now" İnternetə Nəzarət Sisteminin yaydığı hesabata istinadən bildirir ki, siyahıda ilk yeri Hindistan tutub. Hindistan 2022-ci ildə 84 dəfə internetə çıxışı bağlayıb və ardıcıl olaraq beşinci ildir ki, dünyada ən çox qeydə alınan bağlanma sayına malik ölkə statusunu qoruyub.
Ukraynaya genişmiqyaslı müdaxilə zamanı Rusiya internetə çıxışı ən azı 22 dəfə kəsib, kiberhücumlara əl atıb və telekommunikasiya infrastrukturunu qəsdən məhv edib.
Doqquz ölkədə - Banqladeş, Hindistan, İran, İordaniya, Liviya, Myanma, Sudan, Türkmənistan və Ukraynada (Rusiya tərəfindən tətbiq edilən) ən azı dörd bağlanma olub.
Məlumata görə, İran ötən il internetə çıxışı 18 dəfə, Ermənistan 1 dəfə bağlayıb. Siyahıda Azərbaycan da yer alıb. Belə ki, məlumata əsasən, 2022-ci ildə Azərbaycanda internetə çıxış bir dəfə məhdudlaşıdırılıb.
Əzizə Zeynal
