Dahi Şəhriyarın adını daşıyan parka ögey münasibət - Bakı Şəhər İcra Hakimiyyəti hərəkətə keçəcəkmi? - VİDEO+FOTOLAR
![Dahi Şəhriyarın adını daşıyan parka ögey münasibət - Bakı Şəhər İcra Hakimiyyəti hərəkətə keçəcəkmi? - VİDEO+FOTOLAR](https://sfera.az/photo/orginal/2023/03/01/1677658140_1677494576_anar9199.jpg)
Ötən gün paytaxtın Nərimanov rayonunda yerləşən "Şəhriyar" parkının acınacaqlı durumu ilə bağlı reportaj təqdim etmişdik. Çəkilən fotolardan və parkın hazırkı durumu ilə bağlı videsüjetdən də göründüyü kimi ərazidə vəziyyət təsəvvür edildiyindən də acınacaqlıdır.
Sfera.az xatırladır ki, qorxu filmlərinin vahiməli səhnələrinin çəkildiyi məkanları xatırladan sözügedən park Azərbaycanın dahi şairi Şəhriyarın şərəfinə adlandırılıb. Güney Azərbaycanın mübarizə və dirəniş simvollarından sayılan Şəhriyarın adını daşıyan parkın bugünkü durumu isə ürəkaçan deyil. 1990-cı illərə qədər əhalinin istirahət məkanlarından olan park indi baxımsızlıqdan tamamilə dağılıb,
İranın ölkəmizə qarşı ardıcıl qərəzli addımlarının aktual olduğu indiki həssas bir dövrdə dahi Şəhriyarın adını daşıyan parkın bu durumu isə həqiqətən təəssüf doğurur. Ümidvarıq ki, müvafiq dövlət qurumları, o cümlədən Bakı Şəhər İcra Hakimiyyəti məsələni diqqətdə saxlayacaq və lazım olan tədbirləri görəcək.
Fotolar: Anar Bayramlı
Türkan