Psixoloqdan 8 Mart həyacanı ilə bağlı MƏSLƏHƏT
![Psixoloqdan 8 Mart həyacanı ilə bağlı MƏSLƏHƏT](https://sfera.az/photo/orginal/2023/03/01/1677657125_8mart2-1-768x403.jpg)
“8 mart öncəsi həm xanımlarda, həm də bəylərdə gərginlik olur. Xanımlar hədiyyə gözləyərkən bəylərin onlardan küskün olduğunu müşahidə edirlər”.
Bunu Sfera.az-a açıqlamasında psixoloq Aytən Ələkbərova deyib. O, bayram münasibətilə ilk olaraq bəyləri təbrik edib:
“Mən 8 mart münasibətilə ilk olaraq bəyləri təbrik etmək istəyirəm. Çünki onları da dünyaya bir ana gətirib. Hər bir kişinin öhdəsinə 4 qadın tipi düşür. Onun anası, bacısı, xanımı və daha sonra qızı bu siyahıda yer alır. Bu 4 qadın kişilər üçün ən doğma hesab olunur və eyni zamanda bu qadınlar sarıdan başlarının uca olmasını istəyirlər”.
A.Ələkbərova xanımların əks cinsdən onun maaşının ümumi miqdarı dəyərində hədiyyə gözləməməli olduğunu deyib:
“Bayramlarda aldıqları hədiyyələri sosial şəbəkələrdə paylaşan xanımlar özlərinin sevinc hissini göstərməyə çalışırlar. Çünki qadın bir çiçəkdir və çiçəyə nə qədər qulluq etsən, o qədər də bəhrəsini görəcəksən. Qadınların həssas məqamında onlarla düzgün davranış qaydalarını bilmək lazımdır. Əks cinsi bahalı hədiyyə ilə yükləmək onun maddi imkanından asılı olan bir məsələdir. Yəni aylıq məvacibi yüksək olmayan şəxsdən aldığı maaşın dəyəri qədər də hədiyyə gözləmək olmaz. Hədiyyə simvolikdir, bu, qadını nəzərdə tutmağın əyani göstəricisidir. Həyatında olan 4 qadına onların varlığının dəyərli olduğunu hiss etdirən bəylərin evlərində bayram öncəsi hədiyyə ilə bağlı gərginlik yaşanmır”.
İnci