Seymur Talıbovun bu görüntüləri Dubayda çəkilib? - VİDEO
Naxçıvan Muxtar Respublikasının Ali Məclisinin sabiq sədri Vasif Talıbovun oğlu Seymur Talıbovun sosial şəbəkələrdə yeni görüntüləri yayılıb.
Sfera.az xəbər verir ki, görüntülərin Dubayda hotellərin birində çəkildiyi iddia olunub.
Qeyd edək ki, bir müddət öncə Seymur Talıbovun ölkədən çıxışına “stop” qoyulması ilə bağlı mətbuatda xəbərlər yayılmışdı. Hazırda Seymur Talıbova məxus biznes obyektləri və digər məsələlərlə bağlı istintaq aparıldığı, onun milyonlarla manat vəsaiti ölkə hüdudlarından kənara çıxararaq biznes qurduğu deyilirdi.
Xatırladaq ki, Seymur Talıbov Naxçıvan Dövlət Universitetin prorektoru idi. O, həmçinin Ali Məclisin deputatdır. Maraqlıdır ki, bu ilin yanvarında keçirilən Naxçıvan Muxtar Respublikası Ali Məclisinin doqquzuncu sessiyasında nə Vasif Talıbov, nə də Seymur Talıbov iştirak etmişdi.
