Yerusəlimin baş ravvini və İsrailin keçmiş Sefarad baş ravvini Şlomo Amar İsraildə baş verən son zəlzələlərin LBGT üzvlərinin hüquq və azadlıqlarının yüksəlişinin nəticəsi olduğunu söyləyib.

Sfera.az xəbər verir ki, o, iddiasını nümayiş etdirmək üçün yəhudiliyin dini qanunlarını, qaydalarını və ənənələrini əhatə edən Talmuddan sitat gətirib. Ravvin Amar Türkiyə və Suriyadakı dağıdıcı zəlzələlərdən sonra İsraili də vuran zəlzələlərin İsraildə gey nikahlarının artması ilə əlaqəli ola biləcəyini iddia edib.

Amar həmçinin homoseksualların dindar yəhudi ola bilməyəcəyini söyləyib, homoseksuallığı “aşılması lazım olan vəhşi şəhvət” kimi dəyərləndirib.

Qeyd edək ki, ravvin Amar daha əvvəl də homoseksual icma haqqında qəribə açıqlamalar verib. 2016-cı ildə Amar homoseksualları “iyrənclik kultu” adlandırıb və onların yəhudi qanunlarına görə ölüm cəzası almalı olduqlarını bildirib.

İnci