Ledi Qaqanın Fransız Bulldoqlarını oğurlamaqda ittiham olunan qadın indi pop ulduzun ona vəd etdiyi 500 min dollar mükafatı ödəmədiyi üçün məhkəməyə verir.
 

Sfera.az bildirir ki, Cennifer Makbrayd (Jennifer McBride) Qaqa, itlərin sağ-salamat geri qaytarılacağı təqdirdə böyük məbləğ ödəməyi vəd etdiyini əsas gətirib.
 

Lady Qaqa 2021-ci ilin fevralında onun cins balaları Koji və Qustav it gəzdiricisindən silah gücü ilə oğurlandıqdan sonra mükafat verəcəyini elan edib.


MakBrayd iddia edir ki, o, itləri oğurlandıqdan cəmi iki gün sonra 26 fevral 2021-ci ildə LAPD Olimpiya İcma Stansiyasında Qaqaya qaytarıb.

Daha sonra MakBrayr oğurlanmış əmlaka sahib olmaq və cinayətdə iştirak etməkdə ittiham edilib. İddialara görə, o, Qaqanın it gəzdirən Rayan Fişerə hücumuna görə məsuliyyət daşıyan adamlardan birinin atası ilə görüşüb.
 

Sonda, MakBrayd oğurlanmış əmlakın alınması ilə bağlı etiraz etməyib və iki il şərti cəza alıb.
 

MakBrayd 500 min dollardan çox pul istəyir. O, aldadıcı mükafat iddiası ilə Qaqadan 1,5 milyon dollar təzminat tələb edir.


Hücum 2021-ci il fevralın 25-i axşam saatlarında baş verib. Jurnalistlərin sözlərinə görə, Fişer Koji, Miss Asiya və Qustavonu gəzintiyə çıxararkən ona atəş açıb və sinəsindən güllə yarası alıb. Xoşbəxtlikdən o, aldığı xəsarətlərdən sağ qalıb. Polis tərəfindən əsas cinayətkar kimi müəyyən edilən Ceyms Hovard Cekson adam öldürməyə cəhd ittihamına etiraz etməyib. Sonda o, 21 il həbs cəzasına məhkum edilib.

Aynil

Sfera.az