Hazırda Çin Ukraynadakı münaqişənin həlli üçün sülh danışıqlarına çağırış etdiyi halda, döyüş əməliyyatlarında istifadə üçün dronları və artilleriya sistemlərini Rusiyaya təhvil verməyi nəzərdən keçirir. 

Sfera.az xəbər verir ki, bu barədə “The Wall Street Journal ” (WSJ) ABŞ rəsmilərinə istinadən məlumat yayıb.

Amerikanın "CNN" telekanalı da Çinin Rusiyaya pilotsuz təyyarələr və döyüş sursatları tədarük etmək niyyətində olduğunu bildirib.  Eyni zamanda qeyd olunub ki, Pekin hələlik yekun qərarını verməyib, lakin Moskva ilə danışıqlar davam edir.

Bundan əvvəl Almaniya da Rusiya və Çin arasında kamikadze dronların tədarükü ilə bağlı danışıqlar apardığını açıqlamışdı. 

Daha sonra Almaniyanın “Spiegel” nəşri yazıb ki, Rusiya Çinlə dronların tədarükü ilə bağlı danışıqlar aparır. Çin Rusiya üçün ZT-180 pilotsuz təyyarələrinin prototiplərinin istehsalına razılıq verib, onların aprel ayına qədər çatdırılması mümkündür.

ÇXR fevralın 24-də Pekinin hərbi əməliyyatların dayandırılmasını israr etdiyini və Rusiya ilə Ukrayna arasında dinc dialoqun bərpasını təklif etdiyini bildirib. Bundan əlavə, Çin digər ölkələri soyuq müharibə zehniyyətindən əl çəkməyə çağırıb.

Əzizə