Qatillə eşq yaşayan həbsxana işçisi dəmir barmaqlıqlar arxasına düşdü

Qatil məhbusla yaxın münasibət quran qadın həbsxanaya qaçaqmalçılıq yolu ilə kokain və iPhone keçirərkən yaxalanıb. O, dərhal həbs edilib.
 

Sfera.az bildirir ki, Heather McKenzie adlı qadının evində içərisində 2500 funt sterlinq pul, müxtəlif narkotik kokteyli və iynələr olan qutu tapılıb.

Şotlandiyanın Lanarkşir qəsəbə, Şotts həbsxanasında işləyən Heather McKenzie həbs cəzası çəkən Zak Malavinlə tanış olub. Zak Malavin 2010-cu ildə Qlazqodakı parkda oğlunun gözü qarşısında bıçaqlayaraq qətlə yetirdiyi Endryu Kurranın qətlinə görə ömürlük həbs edilib. Dəhşətli hekayəyə baxmayaraq, McKenzie məhbusla əlaqə qurub.


Qadın altı il üç ay müddətinə azadlıqdan məhrum edilib.

Kameralardan birində adi axtarış zamanı məmurlar nəzarət altında olan narkotiklərin anbarı, yeni iPhone və SİM kart tapıblar. Telefonda axtarış aparılan zaman Makkenzinin həbsxanaya narkotiklərin çatdırılması və onun xidmətlərinin ödənilməsi məsələsini müzakirə edən mesajları tapılıb. O, müəssisədə işlədiyi müddətdə altı dəfə bunu bacarıb. Evində bir qutu şpris, steroid, kokain və benzokain ilə birlikdə 2500 funt sterlinqlik nağd pul tapılıb.


Şotlandiya Penitensiar Xidmətinin sözçüsü məhkəmədən sonra: "İşçilərimizin böyük əksəriyyəti ən yüksək davranış standartlarına riayət etsələr də, biz müəssisələrimizdə potensial korrupsiyaya qarşı həmişə ayıqıq"-deyə bildirib.

Aynil
Sfera.az