Jason Arday (Ceyson Ardey) yalnız 18 yaşında oxumağı və yazmağı öyrənməsinə və 11 yaşına qədər danışa bilməməsinə baxmayaraq, Kembric Universitetinin ən gənc qaradərili professoru olub.
 

Sfera.az bildirir ki, Ceyson Ardey 11 yaşına qədər işarət dilində danışıb. O, britaniyalı sosioloq, yazıçı və ianəçidir. Mart ayında Kembric Universitetində təhsil sosiologiyası professoru və İngiltərədəki 155 qaradərili professordan biri olacaq. Bu barədə “The Guardian” geniş məlumat yayıb.
 

Uşaq ikən Ceysona qlobal inkişaf ləngiməsi diaqnozu qoyulub və bu, onun danışma və oxuma qabiliyyətinə təsir edib. 11 yaşına qədər jest dilində danışan Ceyson yalnız yeniyetmə ikən oxumağı və yazmağı öyrənib. Terapevtlər onun həyatı boyu daimi köməyə ehtiyac duyacağını proqnozlaşdırdılar.
 

Lakin Ceyson onların səhv olduğunu sübut edib. O, gələn ay Kembric Universitetində Təhsil Departamentində professor kimi işə başlayacaq. 37 yaşında universitetin ən gənc qaradərili professoru olacaq.


Ceyson həmişə Oksford və ya Kembricdə işləməyi xəyal etdiyini bildirib.

 

"Mənim işim ilk növbədə daha az təminatlı insanlara qapıları necə aça biləcəyimizə və ali təhsili həqiqətən demokratikləşdirə biləcəyimizə yönəlib. Ümid edirəm ki, Kembric kimi bir yerdə olmaq mənə bu gündəmi milli və qlobal səviyyələrə çatdırmaq imkanı verəcək"- Ceyson deyir. .

On il əvvəl o, doktorluq dissertasiyasına hazırlaşarkən anasının yataq otağının divarına bir sıra şəxsi məqsədlərini yazıb. Siyahısının üçüncüsündə:
 

“Bir gün mən Oksfordda və ya Kembricdə işləyəcəm”-yazılıb.
 

Martın 6-da Ceysonun bu arzusu reallığa çevriləcək.
 

“Nə qədər optimist olsam da, bunun baş verəcəyini heç düşünməmişdim”-deyə o bildirib.

Aynil

Sfera.az