"Ermənistan Laçın dəhlizində minalar basdırdığını təkzib edə bilmir" - Millət vəkili
"Beynəlxalq Ədalət Məhkəməsinin son qərarlarında göstərilib ki, Ermənistan Laçın dəhlizində minalar basdırdığını təkzib edə bilmir".
Sfera.az xəbər verir ki, bunu Milli Məclisin plenar iclasında deputat Kamal Cəfərov bildirib.
Millət vəkili məhəkəmədə Ermənistanın vəsatətlərinin təmin edilmədiyini qeyd edib:
"Eyni zamanda Laçında qanunsuz şəkildə yaşayan erməni sakinləri tərəfindən 2020-2021-ci ildə basdırılan minalar barədə də qərarlar öz əksini tapıb. Ermənistanın Şuşa-Xankəndi yolundakı etirazların dayandırılması və qazın verilməsi ilə bağlı vəsatəti təmin edilməyib. Bundan başqa Ermənistanın xarici işlər naziri Ararat Mirzoyanın qarşılıqlı nəzarət məntəqələrinin təşkilinə etiraz etməsi bu ölkənin sülhə maraqlı olmamasından irəli gəlir".
Əzizə Zeynal