Şahzadə Diana və ailəsinin nadir fotoları hərraca çıxarılacaq - FOTO

Şahzadə Diana və ailəsinin nadir fotoşəkilləri Kembricşirdəki “Willingham” Hərracında satılacaq. Hərrac saytına görə, heç bir təklif məhdudiyyəti olmayacaq, buna görə də şəkillərin on minlərlə funt sterlinqə gəlməsi gözlənilir. Bu, əsl eksklüzivdir.

Sfera.az bildirir ki, əvvəllər Şahzadə Diana, Şahzadə Çarlz və balaca Şahzadə Uilyamın ailə dostunun ziyarəti zamanı özəl olaraq çəkildiyi üçün fotoları heç vaxt dərc edilməyib.

Hərrac martın 4-də baş tutacaq, neqativlərlə birlikdə 22 şəkil hərraca çıxarılacaq.
 

Kral ailəsinin şəxsi fotoşəkilləri arasında gənc şahzadə Diananın Şahzadə Uilyamı dünyaya gətirdikdən aylar sonra olan fotoşəkilləri var. Şəkillərdən birində o, yaşıl rezin çəkmələr geyinmiş, Çarlz anasının yanında poza verib.

Gözəl kadrlardan birində Diananın Balmoralın heyrətamiz mənzərəsi fonunda kamera tutaraq poza verdiyini görmək olar.

Yaşıl paltarda və fotoqrafiyaya həvəs göstərməsində bir çoxları gəlini Keyt Middletonu Şahzadə Dianaya bənzədib. Diana da Keyt Middleton kimi Balmoralın görüntülərini çəkir. Kral yazıçısı Cathy Nicholl (Keti Nikol) hətta iddia edir ki, mərhum Kraliça bir dəfə Keytin bu hobbiyə nə qədər həvəsli olduğunu bildiyi üçün, ilk görüşlərində kamerasını götürüb Balmoralın və ətrafındakı dramatik mənzərənin şəklini çəkməsinə icazə verib.
 

Cathy özünün “Keyt: Gələcək Kraliça” kitabında yazır: “O vaxta qədər Kraliça Keytlə Piter və Fillipsin toyunda yalnız qısa müddət ərzində görüşmüşdü, lakin Balmoralda şəkil çəkdirməyə icazə verərək onun özünü rahat hiss etməsi üçün əlindən gələni etdi...".
 

Hərraca çıxarılan fotoşəkillər iqamətgahda kral ailəsinin yaxın dostu Lord Con Kinqin ziyarəti zamanı çəkilib. O, 2005-ci ildə 86 yaşında dünyasını dəyişib. Con məktəbi atsa da, gələcəkdə “British Airways”i idarə edən uğurlu iş adamı olub. Kral ailəsi ilə təsadüfən -ov sevgisi əsasında tanış olublar. 1979-cu ildə kraliça Cona cəngavər rütbəsi verib.


Hərracçı Stiven Dreyk foto kolleksiyanın bütün dünya kolleksiyaçıları arasında böyük maraq doğuracağına əmin olduğunu bildirib.

"Diananın bir çox fotoşəkilləri çəkilib, lakin bu şəkillər çox şəxsidir. Bu fotoşəkillər kolleksiyası unikaldır, siz heç vaxt belə fotoşəkillər toplusunu görə bilməzsiniz. Çarlzın Uilyam əlində olan fotoşəkili çox təsirlidir, digər fotoşəkillərdə isə onlar adi xoşbəxt bir ailə kimi görünür" - deyə o bildirib.
 

Xatırladaq ki, daha əvvəl hərracda şahzadə Diananın dostlarına ünvanlanmış şəxsi məktubları 170 min dollara alınıb. Ledi Di şahzadə Çarlzdan boşanması haqqında yazıb və onun telefonunun dinlənilməsindən ehtiyat etdiyini bildirib.

Xanım

Sfera.az