Şakira Pikeyə aid daha bir mahnı buraxacaq - Tarix açıqlandı
Kolumbiyalı müğənni Şakira keçmiş sevgilisi Jerar Pikeyə daha bir intiqam mahnısı həsr edəcək.
Sfera.az bildirir ki, o, bu barədə İnstaqramda məlumat verib.
Şakira, Karol G ilə birlikdə "TQG" adlı yeni mahnısının 24 fevral 2023-cü il cümə günü yayımlanacağını təsdiqləyib.
Qeyd edək ki, bu il yanvarın əvvəlində müğənni keçmiş ispan futbolçusu Pikedən qisas almaqdan bəhs edən “Te Felicito” adlı mahnısını yayımlayıb və mahnıda yeni sevgilisi Klara Çia Martinə də eyham vurub. Sənətçinin "Te Felicito" hiti hal-hazırda YouTube-da 347 milyon baxış toplayıb.
Sənətçilərin birgə treklərini elan etdikləri fotoda daş dövrü ansambllarda pozalar verirlər.
Cütlük İnstaqram səhifələrində eyni paylaşımlar edərək pərəstişkarlarına "Bunu gözlədiyinizi bilirik və biz buradayıq. @KarolG x @Shakira TQG 24 fevral saat 00:00"- yazıb.
Daha əvvəl bildirilmişdi ki, Şakira yeni trekini fevralın 2-də, Pike ilə ad günlərini qeyd etdiyi gün təqdim edəcək. Lakin naməlum səbəblərdən premyera üç həftə təxirə salınıb.
Xatırladaq ki, Şakira və Gerard Pike 12 illik münasibətdən sonra 2022-ci ilin yayında ayrılıblar. İki övladları var, lakin rəsmi olaraq evlənməyiblər. Boşanmağa səbəb isə futbolçunun çoxsaylı xəyanətləri olub.
Xatırladaq ki, ötən günlərdə Pike və yeni sevgilisi Şakiranın pərəstişkarı tərəfindən restoranından qovulub.
Aysel
Sfera.az
