Riçard Girin həyat yoldaşı övladlarını ictimaiyyətə göstərdi - FOTO
Fevralın 16-da 40 yaşını qeyd edən amerikalı aktyor Riçard Girin həyat yoldaşı Alejandra Silva göstərdikləri sevgilərinə görə ailəsinə, dostlarına və İnstaqramda izləyicilərinə təşəkkür edib.
"Ad günü arzularınız üçün hamınıza təşəkkür edirəm. Ailəmizdəki hər kəsin xəstələnməsindən təxminən üç həftə sonra, bu gün nəhayət, özümü çox yaxşı hiss edirəm! Bütün sevginiz və dəstəyiniz üçün təşəkkür edirəm. Sevginiz qarşılıqlıdır”!
Qeyd edək ki, 33 yaş fərqinə baxmayaraq, Alejandra və Riçard xoşbəxt evlidirlər.
Aktyorun həyat yoldaşı daim oğullarının üzünü göstərməməyə çalışır. Apreldə kiçik övladlarının üç yaşı tamam olmasına baxmayaraq onun adı hələ də gizli saxlanılır.
İspaniyalı publisist və siyasətçi postunu Girlə olan iki övladı - 4 yaşlı Aleksandr və kiçik oğlu ilə okeanda çəkdirdiyi şəkillə tamamlayıb. Arxadan həm ana, həm də körpələr göstərilir.
Alejandra daim şəxsi həyatlarını gizli saxlayır və onun profilində uşaqların şəkilləri nadir halda olur.
Gir və Silva 2018-ci ilin aprelində gizli bir mərasimlə nikahlarını rəsmiləşdirib. Bundan əvvəl cütlük təxminən üç il görüşüblər.
Cütlük oğullarının üzlərini mediadan da daim gizlədir.
Silva ilə iki övladından başqa, Girin Keri Louelllə ikinci evliliyindən 23 yaşlı Homer adlı oğlu var. Alejandranın isə 9 yaşlı Albert adlı böyük oğlu da var. Uşağın atası mədən maqnatı Qovind Fridlanddır.
Xatırladaq ki, ötən il Rusiyanın işğalından bir neçə gün sonra Silva öz hesabında Ukraynanın bayrağını yerləşdirərək, Ukraynaya dəstək vermişdi. Riçard Gir də eyni şeyi edib və hətta kolleksiyasından bir avtomobil satıb, pulu Rusiya təcavüzünün qurbanlarına kömək etmək üçün bir xeyriyyə fonduna bağışlamışdı.
Aynil
Sfera.az
