“Onlar Azərbaycana gətirilməli və etdiklərinə görə cavab verilməlidirlər” – Siyavuş Novruzov

"Azərbaycana qarşı əks təbliğat aparan şəxslər Azərbaycana təhvil verilməlidir".

Sfera.az xəbər verir ki, bunu deputat Siyavuş Novruzov deyib. O, xaricdə yaşayan və Azərbaycan əleyhinə təbliğat aparan şəxslərin Ermənistan tərəfindən maliyyələşdirildiyini bildirib:

"Biz Ermənistana qulluq edən, Azərbaycanın haqq savaşına qara yaxanları azərbaycanlı hesab edə bilmərik. Onlar Şuşa-Xankəndi yolunda olan aksiya iştirakçıları haqda aşağılayıcı fikirlər səsləndirirlər. Hüquq-mühafizə orqanları antimilli ünsürlərə qarşı fəaliyyətini genişləndirməlidir. Onlar indiyədək Ermənistan səfirliyinin qarşısında piket keçirməyiblər. Bu insanlara insan demək olmaz. Onların Azərbaycana qaytarılması, hüquq mühafizə orqanları qarşısında cavab vermələri lazımdır. Hər kəs bilsin ki, Azərbaycan dövləti əleyhinə təbliğat vətənə xəyanətdir".

Əzizə Zeynal