“Ermənistanın 4-5 yük maşınına görə...” – Deputatdan “Türkiyə bunu etməz” açıqlaması

"Ermənistan  Türkiyədə baş vermiş zəlzələ ilə bağlı təəbbüslər göstərir. Ancaq erməni rəsmilərinin açıqlamalarından görürük ki, bunun arxasında siyasi məqsəd dayanır".

Sfera.az xəbər verir ki, bunu Milli Məclisin plenar iclasında deputat Aqil Məmmədov bildirib. O, Ermənistanın Türkiyəyə humanitar yardım göstərməsinin erməni tərəfində ümidlər yaratdığını qeyd edib:

"Ermənistanın 4-5 yük maşınına görə 35 ildir bağlı olan sərhəd qapıları həmişə açıq olmayacaq. Bu qapıların açılması Ermənistanı şirnikləndirib. Ermənistan 10 noyabr bəyanatı ilə bağlı üzərinə götürdüyü öhdəlikləri hələ yerinə yetirməyib. Ona görə ümidlənməsinlər ki, həmin qapılar açıq qalacaq. Türkiyə Azərbaycanın maraqlarına zidd olan hansısa addım atmaz".

Əzizə Zeynal