ABŞ-ın Kaliforniya ştatı dünyanın ən ölümcül göbələyi tərəfindən işğal edilir.

Sfera.az xarici mətbuata istinadən bildirir ki, göbələyin sürətlə yayılmasının səbəbi isə qeyri-müəyyən olaraq qalır. 

Elmi adı “Amanita phalloides” olan və “ölüm şapkası” kimi də tanınan göbələyin ABŞ-da hər il bir neçə insanı öldürdüyü, daha çox sayda insanı və heyvanı isə xəstələndirdiyi məlumdur.

Alimlər ehtimal edirlər ki, həmin göbələklər özünü klonlaşdırmaqla belə sürətli şəkildə arta bilirlər. Belə ki, “ölüm şapkası” öz-özünü mayalandırır. Bu isə laboratoriyadan kənarda göbələklərdə nadir hallarda müşahidə olunan prosesdir.

Bu göbələklər yetkinləşdikdə geniş, ağ rəngli, hündürlüyü və eni bir neçə düym olan papaqlara sahib olurlar, yetişməmiş göbələklərdə isə bu hissə qapağı xatırladır.

Göbələkdəki toksinlər bədənin hüceyrələrinə, xüsusən də qaraciyər və böyrək toxumasına zərər verə bilir. Ona məruz qalmaq qaraciyər çatışmazlığına səbəb olur və ölümlə nəticələnir. Hətta bir ədəd "ölüm şapkası" yemək belə yetkin insan üçün ölümcül ola bilər. 

Lalə
Sfera.az