Türkiyədə baş verən 2 güclü zəlzələ zamanı 166 binanın tamamilə dağıldığı Adıyamanın bir hissəsi başqa bölgəyə köçürüləcək.
 

Sfera.az İHA-ya istinadən xəbər verir ki, Adıyamanın bələdiyyə sədri Süleyman Kılınç şəhər mərkəzinin köçürələciyini, şimaldakı dağlıq ərazidə 50 min yeni mənzilin tikiləcəyini bildirib. 

“TOKİ, xüsusilə şimalda, dağın ətəyində, şəhərin yenidən abadlaşdırılması istiqamətində yeni binalar tikməyi düşünür. Yəni hazırda ən azı 50 min mənzil nəzərdə tutulur. Əvvəl də şəhəri oraya köçürmək planlarımız var idi. Buralar əkin sahələridir. Mümkün qədər əkin üçün yararlı torpaqlardan istifadə etmədən geoloji cəhətdən sağlam yerlərə köçmək lazımdır. Bu, hazırkı plandır", - deyə bələdiyyə sədri deyib.

Qeyd edək ki, Adıyamanda zəlzələ zamanı qəzalı vəziyyətə düşən 6 108 binanın isə söküləcəyi açıqlanıb. 

Lalə 
Sfera.az