Türkiyəli məşhur aktyor və rejissor Həmdi Alkanın anası dünyasını dəyişib.

Sfera.az xəbər verir ki, kədərini sosial media hesabında paylaşan Alkanın yazdıqları hamını kədərləndirib:

 “Doğma şəhərin Antakya zəlzələdə dağıldı. Dostların, tanışların, yaşıdların dağılmış binaların altında qaldı. Bütün bunları hiss etmədiyin bir xəstəliklə reanimasiyada yatdığına görə qüssəli bir şadlıq duyurdum, bağışla.

Dünən bizi tərk etdin və bir daha bizi ana kimi qorudun. Bir həftə əvvəl hər şey yerli-yerində olanda bizdən ayrılsaydın, Antakyada olacaqdıq və indi bu dünyada olmayacaqdıq. Səni Antakyamın tolerantlığı, hərarəti və səmimiyyəti ilə yola salıram. Qəbrin nurla dolsun".

Qeyd edək ki, Hamdi Alkan uzun müddətdir Hatayda reanimasiyada olan anasının vəziyyəti pisə doğru getdiyi üçün onu zəlzələdən əvvəl İstanbuldakı özəl xəstəxanalardan birinə gətirmişdi.

Lalə 
Sfera.az