"İsrail Ukrayna ilə bağlı qərarını hələ verməyib" - Rus politoloq
“İsrail Kiyevə münaqişənin həlli üçün sülh planı təklif edə bilər”.
Sfera.az bildirir ki, bunu rus politoloq Vladimir Sotnikov deyib.
Ekspertin sözlərinə görə, İsrail hakimiyyəti Ukraynaya yaxınlaşıb-yaxınlaşmamaq barədə hələ qərar verməyib:
“Bu haqda danışmaq hələ tezdir. Lakin İsrailin Ukrayna Prezidenti Volodimir Zelenskiyə bir növ sülh planı təklif edəcəyini gözləmək olar. Kiyevə İsrail silahlarının verilməsi ehtimalına gəlincə, burada birmənalı proqnoz vermək mümkün deyil. Düşünürəm ki, İsrail belə bir qərarın verilməsinin İsrail-Rusiya münasibətlərinə nə qədər zərər verə biləcəyinin fərqindədir”.
Qeyd edək ki, İsrailin xarici işlər naziri Eli Koen sosial şəbəkədə fevralın 16-da münaqişə başlayandan bəri ilk dəfə Kiyevdə Zelenski ilə görüşəcəyini açıqlamışdı.
Türkan
